इन्कम टॅक्स: तुमच्या कुटुंबातील कोणत्याही अपंग व्यक्तीवर उपचार केले असल्यास, तुम्ही इन्कम टॅक्स मध्ये 1.25 लाख रुपयांपर्यंत सूट मिळवू शकता. ही सूट आयकर कलम 80DD आणि 80U अंतर्गत उपलब्ध
- करदात्याने अपंग असल्यास किंवा कुटुंबातील अपंग व्यक्तीवर उपचार केले असल्यास, त्याला स्वतंत्र कर सूट मिळते.
- हा फॉर्म्युला फॉलो करून तुम्ही एकूण 1.25 लाख रुपयांपर्यंत सूट मिळवू शकता.
- हि सूट फक्त जुन्या टॅक्स पद्धतीमध्ये (Old Tax Regime) मिळेल.
इन्कम टॅक्स रिटर्न (ITR) भरताना अनेक प्रकारच्या वजावट उपलब्ध आहेत. यामध्ये अपंगांच्या उपचारासाठी खर्च करण्यात आलेल्या रकमेचा समावेश आहे. जर एखादी व्यक्ती स्वत: अपंग असेल किंवा त्याच्या कुटुंबात कोणीतरी अपंग असेल आणि त्याच्या उपचारासाठी पैसे खर्च केले असतील, तर त्याला मिळकत करात एकूण 1.25 लाख रुपयांपर्यंत सूट मिळू शकते. ही सूट आयकर कलम 80DD आणि 80U अंतर्गत उपलब्ध आहे. मात्र, यासाठी अपंग व्यक्तीकडे संबंधित प्राधिकरणाने दिलेले अपंगत्वाचे प्रमाणपत्र असणे आवश्यक आहे. प्रमाणपत्र नसेल तर सूट मिळू शकत नाही.
Sec 80DD: कुटुंबातील व्यक्ती अपंग असल्यास
Sec 80U: व्यक्ती स्वत: अपंग असल्यास
आयकराच्या कलम 80DD आणि 80U अंतर्गत, 1.25 लाख रुपयांपर्यंत सूट देण्याची तरतूद फक्त जुन्या कर प्रणालीमध्ये उपलब्ध आहे. आयटीआर भरणाऱ्या व्यक्तीला नवीन कर प्रणालीत हा लाभ मिळणार नाही. तथापि, जुन्या कर प्रणालीनुसार, सूट मिळविण्यासाठी, अनेक अटींचे पालन करावे लागेल, अन्यथा तुम्हाला सूट मिळू शकणार नाही.
एकाच वेळी दोन्ही सवलतींचा लाभ घेऊ शकत नाही.
समजा, एखाद्या अपंग करदात्याने त्याच्या उपचारासाठी 80U अंतर्गत आयकर सवलतीचा दावा केला आहे. त्याच आर्थिक वर्षात त्यांच्या अपंग कुटुंबातील सदस्याच्या उपचारासाठीही पैसे खर्च करण्यात आले. अशा परिस्थितीत, करदाता 80DD अंतर्गत कर सवलतीचा दावा करू शकत नाही. तो 80U किंवा 80DD सूट मिळवू शकतो.
कोणता फॉर्म भरावा लागेल?
80U चा लाभ घेण्यासाठी, आयकर भरताना फॉर्म 10-IA भरावा लागेल. तो ऑनलाइन भरता येतो. येथे लक्षात ठेवा की फॉर्म 10-IA मध्ये दिलेले प्रमाणपत्र (Medical Certificate) देखील संबंधित वैद्यकीय प्राधिकरणाद्वारे प्रमाणित करणे आवश्यक आहे. जर वैध प्रमाणपत्रे कालबाह्य झाली असतील तर वैद्यकीय प्राधिकरणाकडून नवीन प्रमाणपत्रे मिळेपर्यंत सूट मिळू शकत नाही.
कलम 80DD/80U अंतर्गत उपलब्ध कपातीची कमाल रक्कम किती आहे?
कलम 80DD/80U अंतर्गत अनुमती असलेली वजावट ही एक निश्चित रक्कम आहे, वास्तविक खर्च कितीही असो (खर्च केला नसेल तरीही). आयकर कायद्यानुसार, जास्तीत जास्त वजावटीला अनुमती आहे:
– Rs.75,000: अपंगत्व 40% ते 80% दरम्यान असल्यास.
– Rs. 1,25,000: अपंगत्व 80% किंवा अधिक असल्यास.
कपातीचा दावा करण्यासाठी कागदपत्रे आणि प्रमाणन आवश्यकता काय आहेत?
वैद्यकीय प्रमाणपत्र (Medical Certificate):
कलम 80DD/80U अंतर्गत कर कपातीच्या दाव्याचे समर्थन करण्यासाठी, व्यक्तींनी वैद्यकीय प्रमाणपत्राची प्रत सादर करणे आवश्यक आहे. हे प्रमाणपत्र आश्रित व्यक्तीच्या अपंगत्वाचा पुरावा म्हणून काम करते.
Form 10-IA: फॉर्म क्रमांक 10-IA प्रदान करणे अनिवार्य आहे.
